Sy/Hobbykroken min :)

Endeleg er det klart for visning på dette rommet,

 som eg har snakka om ei stund ;)

Eg er endå ikkje ferdig med gjestedelen, 

men det kjem :)

Aller først må eg vise dokke utgangspunktet då vi flytta inn..

Eg er som de veit veldig glad i rosa, men det får vere måte på ;) 

Det einaste eg var fornøgd med var utsikten og tregolvet ;)

Før vi flytta inn målte eg rommet i fargen Latte. 

Noko eg angrer på idag. 

Då eg skulle lage til hobbykroken,var det like før eg starta å måle det om igjen. 

Men mannen sette foten ned ;) Han meinte det ville vere meget unødvendig!

Vi skal nemleg isolere rommet innvendig. 

Så då blir veggane nye og kvite :)

Golvet skal også målast,

 eller slipast ned og oljast.

På rommet hadde vi satt ein pult vi hadde frå før. 

Laga av MDF plate og stålbein og kommode frå IKEA.

Bildet er tatt undervegs i organiseringa ;)

Eg sydde eit forheng av laken kjøpt på Bruktbutikken til 10 kr 

og blonder eg hadde liggande.

På skuffene sette eg på veggord frå Foto1, 

og vips vart det meir min stil ;)

Som de ser er pulten lang, 

på eine sida av kommoden skal eg scrappe

 og på den andre skal eg sy :)

I kroken ved sidan av sette vi opp hyller. 

Undervegs;

Ferdig;

Hylla som rommer bånd og blonder kjenner de kanskje igjen? 

Det er egentleg ein tørkerullholder kjøpt på Bruktbutikken, 

og såg slik ut;

Etter gode forslag frå dokke, fallt eg for Marny Alice sin ide,

 om å oppbevare nettopp bånd og blonder på den ;)

Tusen takk for ideen :)

Eg spraya hylla kvit,

 og sette på ein ornament- stickers frå Hilde Heimdal.

I glaskarmen ved sidan av symaskina har eg sett små fil de fer korger frå Jotex,

 som inneheld det som er kjekt å ha for handa.

Kammerlysestaken var raud, 

og vart spraya med zink.

Utsikten er som de ser på bildene 

(sjølv om veret var grått når eg tok bildene) 

heilt fantastisk. 

Inspirasjon i seg sjølv ;)

Den kvite kassa kjøpte eg på Plantasjen. 

Planen er å fylle denne med scrapbooksaker, 

sånn at eg har god oversikt :)

Ein blomst og oppslagstavla eg har laga 

av ei ramme, stoff og hønsenetting har og fått plass her.

Her er det godt å sitte ;)

I hyllene har nokre av hobbybøkene mine og 

dei nye lyshusa frå Jotex fått plass. 

Eg må innrømme at eg ikkje er heilt ferdig med organiseringa ;)

Ting tar tid, 

når eg heller vil sette meg ned å sy ;)

Eg har gått litt amok på Panduro etter at eg vart "hekta" på sying. 

Dei to siste dagane har eg kosa meg med å sy 

putetrekk og diverse av desse 

søte stoffa :)

✿

Det var ein titt innpå syrommet mitt. 

Det blir nok fleire besøk her, etterkvart som eg blir ferdig :)

 Det vart visst eit langt innlegg så eg håper de ikkje er lei av det allereie ;)

✿

Eg håper alle får ein flott kveld!

Klem frå Bjørg :-)