Fine Minner :)

Då Ariel (vår eldste dotter) var 6 mnd laga vi avtrykk av hendene og føtene hennar i gips. 

Og det er eg så glad for idag. Det er veldig kjekt å samanlikne med hennar idag 3 år gamle hender og føter, og minnast kor lita ho har vore. Sidan Hermine no er 6 mnd, 

så har vi sjølvsagt laga av henne også :) Det er kosleg å forevige dei 

søte små på denne måten.

Eg tenkte eg skulle dele framgongsmåten. 

Kanskje nokre har lyst å prøve?

Du treng: Trolldeig -Gips - Kjevle -Ramme -Søte hender og føter :)

1.

Lag trolldeig (1 del salt, 2 deler mjøl, 1 del vatn og 1 ss matolje) 

Kjevle deigen utover ei papp-plate e.l. Legg ramma opp på med fronten ned. 

Ikkje press den ned (pass på at deigen er større enn ramma)

Det er best å bruke ei djup ramme. Mi er frå Ikea.

Press hender og føter ned i trolldeigen. Her er det greit å vere to om 

jobben for å holde styr på sprellande og glade babyer ;)

2.

 Tett kantane slik at gipsen ikkje vil renne ut, 

ved å dytte trolldeigen oppetter ramma. La trolldeigen stivne i eitpar timer.

3.

Bland gips etter instrukser på pakken. Hell den i ramma og la det tørke 

etter kva som står på gipspakken. Eg tørka det i over 2 døgn.

Ta av trolldeigen, og bildet er ferdig :)

For meg gjenstår det å finne den perfekte

 plassen å henge dei opp :)

Ha ein fin kveld!

Klem frå Bjørg :-)